من معطلات الايمان - لابونا داود لمعي

محاضرة لابونا داود لمعي ... من مؤتمر اعن عدم ايماني ... سيدني ...

من معطلات الايمان ... النظر الي الوراء ...

ايها الاخوة انا لست احسب نفسي اني قد ادركت. ولكني افعل شيئا واحدا اذ انا انسى ما هو وراء وامتد الى ما هو قدام ... في 13:3

+ مفروض انسي ايه ؟؟؟+

  انسي جروح سببها الاخرون :-

مافيش حد ما اتجرحش ... اقلب الصفحة ...

+ يوسف واخوته ----- اخطاء من الاهل
لو يوسف فضل فاكر ومركز علي صورته مرمي في البير واخواته واقفين يضحكوا عليه ... كان كرههم وانتقم ... ولو فضل فاكر انه اتسجن من اجل امانته ... كان تعب ... لكنه قلب الصفحة ...

+ داوود وشاول ----- اخطاء من اعداء
فضل داوود هربان من قدام شاول 10 سنين واتذل ... لكن عرف يقلب الصفحة ... ولما مات شاول بكي عليه ...

+ ابراهيم ولوط ----- اخطاء من احباء
لوط طمع بانانية وجرح ابراهيم لكنه قلب الصفحة ... ولما اتاخد لوط اسير ... اخد ابراهيم رعاة وراح يحارب ملوك علشان ينقذ ابن اخوه ...

  انسي اخطاء ضخمة فعلتها في الماضي :-

+ بولس ----- انسبها للجهل
لو فضل فاكر انه وقف شاهد في قتل استفانوس وانه افتري وشتم المسيح ماكانش لا وعظ ولا بشر ... عرف يعذر نفسه ... فعلت هذا بجهل في عدم ايمان ...

+ بطرس ----- انسبها للضعف
لو فضل فاكر انكاره كان لزق في السمك وماكانش وعظ اول وعظة في تاريخ الكنيسة وجابت آلاف ...

+ توما ----- انسبها للشك
لو فضل فاكر شكه ماكانش احترم نفسه ولا قبلها ولا بشر في الهند وبقي رسول عظيم ... انسي ماهو وراء ...

3) انسي احزان وخساير كبيرة :-
خسارة شخص ---- بكرة نتقابل في السماء
خسارة مادية ----- لابد من تعويضات 

  خسارة كرامة ----- كفاية اننا اولاد ربنا مش عايزين كرامة

+ كيف انسي ؟؟؟ +

 التركيز علي الله :-

طول ماانت مركز علي نفسك مش هتقدر تعيش صح ... اطلع برة نفسك ...
+ فقال لهم يوسف ... لا تخافوا لانه هل انا مكان الله ؟ انتم قصدتم لي شرا اما الله فقصد به خيرا ... تك 19:50
يوسف كان مركز في قصد ربنا ونسي قصد اخواته علشان كده قدر يسامحهم ...

 

 التركيز علي المستقبل :-

ركز علي بكرة ... بكرة يعني رسالتك ... رسالتك يعني السماء ...
المسيح مع السامرية خلاها تبص علي ماضيها في جملة واحدة ... وبعدين قلب الصفحة ... بدات تقوله اسجد فين ؟ وجابت له السامرة كلها ... امتد الي ماهو قدام ...

  الفطام النفسي من المرحلة السابقة :-

موسي تحول من راعي اغنام لرئيس انبياء
يوسف تحول من سجن لرئيس وزراء
متي تحول من عشار الي رسول
بطرس بعد القيامة اخد 6 رسل وراح يصطاد ... طلعوا من غير سمك لقي يسوع مجهزلهم سمك مشوي ... وقاله ياسمعان عايز اتطمن لسة بتحبني ؟؟؟ ايوه يارب ... خلاص بقي مافيش صيد سمك تاني ... ارعي خرافي ...

لبستم الجديد الذي يتجدد ... كو 10:3
اخذنا حياة جديدة تتجدد مع الصلاة والمناولة ... احنا اصحاب رسالة ... احنا نور للعالم وملح للارض .. احنا ريحة المسيح الذكية ...
ايه اللي معطلك ؟؟؟ خطايا وجروح قديمة ؟؟؟ اقلب الصفحة ... انسي ماهو وراء وامتد الي ماهو قدام ... فيه ناس هتخلص علي ايديك وهتوصلهم السماء بصلاتك وبكلامك وبتصرفاتك ... ديه رسالتك ... ربنا مديك عمر مش علشان تروح الشغل تجيب فلوس وتربي العيال ... لكن علشان تكسب نفوس ... ماشي في الشارع لانك نور للعالم وتقول ذوقوا وانظروا ما اطيب الرب ... وتشهد لابوك السماوي  ...

من معطلات الايمان محاضرة لابونا داود لمعي ... من مؤتمر اعن عدم ايماني ... سيدني ...من معطلات الايمان ... النظر الي ال...
Posted by ‎Australian Copts أقباط استراليا‎ on Sunday, May 17, 2015